Hindistan prezidenti İsveç şahzadəsi ilə qəzaya düşdü: 6 yaralı

Hindistan prezidenti Pranab Mukerci və İsveç kralının ailə üzvləri yol-nəqliyyat qəzasına uğrayıblar. APA-nın “RİA Novosti”yə istinadən verdiyi xəbərə görə, yerli mətbuatın məlumatına əsasən, insident bu gün axşam saatlarında İsveçin Uppsala şəhəri yaxınlığında baş verib. Hindistan prezidentinin kortejin tərkibində hərəkət edən 4 avtomobilin toqquşması nəticəsində 6 nəfər xəsarət alıb. Xəsarət alan şəxslər xəstəxanaya yerləşdiriliblər.

Yerli polisin məlumatına görə, qəza nəticəsində Hindistan prezidenti, həmçinin kortejdəki avtomobillərin birində olan İsveç kralının ailə üzvləri – şahzadə Viktoriya və onun həyat yoldaşı Daniyel qəza nəticəsində xəsarət almayıblar.

Xəsarət alan şəxslərin kimliyi açıqlanmır.