Hindistan-Pakistan sərhədində növbəti toqquşma: ölənlər var

Hindistanın Cammu və Kəşmir ştatındakı nəzarət zolağında hindistanlı hərbçilərlə atışma nəticəsində 3 pakistanlı hərbçi həlak olub. APA-nın “TASS”-a istinadən verdiyi xəbərə görə, bu barədə NDTV telekanalı məlumat yayıb.

Qeyd edək ki, son zamanlar mübahisəli Kəşmir ştatı və Hindistan-Pakistan sərhədində toqquşmaların sayı artmaqdadır. Dekabrın 30-dan 31-nə keçən gecə tərəflər arasında baş vermiş atışma nəticəsində 1 hindistanlı və 4 pakistanlı hərbçi həlak olub.

Tərəflər ara-sıra baş verən insidentlərdə bir-birini günahlandırır.