İraqın Baş naziri Heydər əl-Abadi ərəb ölkələrinin İraqdakı İŞİD qüvvələrinə qarşı hava hücumlarına qoşulmasına qarşı olduğunu bildirib.
APA-nın məlumatına görə, o, bu barədə BBC-yə müsahibəsində deyib.
İraqın güclü hərbi hava qüvvələrinə malik olduğu təqdirdə İŞİD-ə qarşı uğurlu mübarizə apara biləcəyini deyən Heydər əl-Abadi ABŞ-ın rəhbərlik etdiyi Qərb koalisiyasının ölkəsinin İŞİD-lə mübarizədəki boşluqlarını doldurduğunu əlavə edib.
Baş nazir İraqın heç bir ölkənin quru qoşunlarına ehtiyac olmadığını vurğulayıb. "Biz açıq şəkildə ifadə etmişik ki, heç bir ölkənin quru qoşunlarını qəbul etməyəcəyik. İraq ordusu onların öhdəsindən gələcək” Heydər əl-Abadi deyib.