Gürcüstanın İnquri SES-ində qəza baş verib

Bu gün İnquri çayının üzərindəki İnquri hidroelektrik stansiyasında baş verən qəza nəticəsində Tiflis və Gürcüstanın regionlarında 20 dəqiqə işıq olmayıb.

APA-nın Gürcüstan bürosunun məlumatına görə, azərbaycanlıların kompakt yaşadığı Kvemo-Kartli (Borçalı) bölgəsində də əhali iki saatadək işıqsız qalıb.

“Gürcüstanın Dövlət Elektrik Sistemi” (GDES) şirkətinin məlumatına görə, regionlarla bərabər, eyni zamanda Gürcüstan prezident iqamətgahında, Tiflis şəhər merliyinin binasında işıq olmayıb, eyni zamnda Tiflis metrosunda fasilə əmələ gəlib.

Məlumata görə, hazırda mütəxəssislər qəzanı aradan qaldırıblar. Hazırda İnquri HES tam gücü ilə işləyir. GDES-dən bildirilib ki, qəzanın baş vermə səbəbləri sonra aydınlaşdırılacaq.