Əsəd “prezident” elan olunanda da qan töküldü

Suriyanın tarixində ilk dəfə keçirilən prezident seçkilərinin ilkin nəticələri açıqlanıb.

Lent.az-ın “BBC”-yə istinadən məlumatına görə, ölkənin fəaliyyətdə olan prezidenti Bəşər Əsəd seçkidə qalib gəlib. Suriya parlamentinin spikeri Məhəmməd əl-Ləham bildirib: “Səsvermədə seçicilərin 73 faizi iştirak edib və onların 89 faizi Bəşar Əsədə səs verib”.

Ölkədə olan xarici ölkə jurnalistlər hesab edib ki, seçki ilə bağlı rəqəmlər şişirdilib. Onlar buna örnək olaraq səsvermədə iştirak edənlərin saylını göstərib.

Xatırladaq ki, rejim 15 milyon ölkə vətəndaşından 11,6 milyon nəfərinin səsvermədə iştirak etdiyinin bildirib.

ABŞ, Avropa Birliyi və "G7" Suriyadakı seçkini tanımayraq, onu n saxta olduğunu elan ediblər.

Rusiya və İrandan olan müşahidəçilər isə seçkidə qanun pozuntuları aşkarlamadıqlarını bildiriblər.

Prezident seçkilərinin ilkin nəticələri elan edildikdən sonra Dəməşqdə Bəşər Əsəd tərəfdarlarının şadyanalığında qan tökülüb. Əsəd tərəfdarlarının açdığı atəş nəticəsində azı 3 nəfər ölüb, 10-dan çox adam yaralanıb.