Erməni vəkil rus əsgərini müdafiə etməkdən imtina etdi

Vəkil erməni Gümrüdə erməni ailəsinin 6 üzvünü qətlə yetirən rus əsgəri Valeri Permyakovu müdafiə etməkdən imtina edib. APA-nın “İnterfaks”-a istinadən verdiyi xəbərə görə, Tamara Yayloyan Valeri Permyakovun işi üzrə Ermənistan Vəkillər Palatası tərəfindən vəkil təyin edilib.

O, bu qərarı emosiyalara qapılaraq verdiyini bildirib.

“O, uşaqları süngü ilə necə vurduğunu danışarkən mən otağı tərk etdim və prosesi artıq davam etdirə bilmədim. Bəlkə də bu qeyri-peşəkar qərardır, lakin bu belədir”, deyə Tamara Yayloyan yerli telekanalın efirində bildirib.