![Əfqanıstan: [b]1 gündə 80 terrorçu öldürüldü[/b]](https://lent.az/site/assets/images/breaking-news/lentaz.png)
Əfqanıstanın müxtəlif əyalətlərində aparılan hərbi əməliyyatlar nəticəsində son 24 saat ərzində 80-dən çox terrorçu məhv edilib.
APA-nın “Sinxua” agentliyinə istinadən verdiyi xəbərə görə, bu barədə Əfqanıstan Daxili İşlər Nazirliyindən açıqlama verilib.
“Əfqanıstan Milli Təhlükəsizlik Qüvvələrinin 11 əyalətdə apardığı təmizləmə əməliyyatları nəticəsində son 24 saatda 80-dən çox Taliban yaraqlısı məhv edilib, 69-u yaralanıb, 4-ü isə tutulub”, - deyə məlumatda bildirilir.
Hökumət qüvvələrinin itki verib-verməməsi barədə məlumat açıqlanmayıb.
Taliban qruplaşması isə itkilərlə bağlı məlumatlara hələlik münasibət bildirməyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
