Dağıstan prokurorluğunda Dərbənd şəhərinin meri İmam Yaraliyev barəsində cinayət işi başlanıb. APA-nın “İnterfaks”a istinadən verdiyi xəbərə görə, məmur 1500 kv.m. federal əhəmiyyətli torpaq sahəsini qanunsuz olaraq bələdiyyə mülkiyyətinə keçirməkdə ittiham olunur.
Cinayət işi RF CM-nin 286-cı maddəsi üzrə (Vəzifə səlahiyyətlərini aşma) başlanıb.
Qeyd edək ki, fevralın 3-də Dağıstan Prokurorluğu Dərbənd şəhər administrasiyası tərəfindən dövlətə azı 35 milyard rubl həcmində ziyan vurulması faktı üzrə aparılmış yoxlamanın materiallarının istintaq orqanlarına verilməsi barədə məlumat yaymışdı.
Xatırladaq ki, bundan əvvəl DİN və FTB əməkdaşları Dərbənd şəhər administrasiyasında baxış keçirmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
