Daha bir İŞİD lideri məhv edildi

Əfqanıstanın Nanqarhar əyalətində İŞİD terror qruplaşmasının liderlərindən biri Hafiz Səid məhv edilib

APA-nın “BBC”yə istinadən verdiyi xəbərə görə, Hafiz Səid və onunla birgə daha 30 silahlı Əfqanıstan xüsusi xidmət orqanlarının keçirdiyi hava hücumu nəticəsində məhv edilib.

İŞİD nümayəndələri məlumatı hələlik təsdiqləməyiblər.

Qeyd edək ki, iyulun 9-da Əfqanıstanda pilotsuz təyyarədən endirilən raket zərbəsi nəticəsində İŞİD-ə qoşulan “Taliban” liderlərindən biri sayılan Şəhidullah Şəhid məhv edilib.

Əvvəllər o “Taliban” hərəkatının Pakistan qoluna rəhbərlik edib. Bir il əvvəl isə İŞİD terror qruplaşmasına qatıldığını elan edib.

Məlumata görə, raket zərbəsi nəticəsində Şəhidullah Şəhidlə birlikdə daha iki İŞİD silahlısı məhv edilib.