Dağıstanın başçısı Ramazan Abdulatipov “Dağıstan Respublikası dövlət neft-qaz şirkəti” Açıqtipli Səhmdar Cəmiyyətin yaradılması haqda sərəncam imzalayıb.
Lent.az-ın “RBK”-ya istinadən məlumatına görə, hökumətə bu il aprelin 15-dək qurumun yaradılması üçün tədbirlərin görülməsi tapşırılıb.
Cəmiyyətin əsas fəaliyyəti respublikada neft-qaz kəşfiyyatı, hasilatı, eləcə də təbii qazın, neft və neft məhsullarının reallaşdırılmasına sərmayə cəlb etməkdən ibarət olacaq.
Mənbə xatırladıb ki, bu il yanvarın 15-də Abdulatipov belə bir şirkətin yaradılması haqda və təkliflərin təqdim edilməsi üzərində düşünməyə çağırmışdı.
Dağıstanın başçısı onda “Rosneft”, “LUKOYL”, “Qazprom” şirkətləri ilə birgə Rusiyanın Dağıstan ərazisindəki Xəzər şelfində karbohidrogen ehtiyatlarının mənimsənilməsi üçün geoloji – kəşfiyyat işlərini artırmağı təklif etmişdi.
Son iki ildə Dağıstan ildə 200 min barel neft, 300 min kub metr təbii qaz hasil edib.