Con Makkeyn Dnepropetrovskdadır

ABŞ senatoru Con Makkeyn Ukraynanın Dnepropetrovsk şəhərinə səfər edib. APA-nın “RİA Novosti”yə istinadən verdiyi xəbərə görə, bu barədə məlumatı ABŞ-ın Ukraynadakı səfiri Cefri Payett Twitter səhifəsində paylaşıb.

“Senator Makkeyn və sizin rəhbərlik etdiyiniz nümayəndə heyəti Dnepropetrovsk şəhərinə xoş gəlmişsiniz. Bu ABŞ-ın Ukraynaya dəstəyinin nümayiş etdirilməsidir”, deyə məlumatda bildirilir.

Bir qədər sonra sosial şəbəkələrdə senatorun “Dnepr-1” alayının və alay komandiri Yuri Beryoza ilə şəkilləri yayılıb.