Con Kerri Fransanın xarici işlər naziri ilə görüşdü

Parisdə ABŞ-ın dövlət katibi Con Kerri və Fransanın xarici işlər naziri Loran Fabius arasında görüş keçirilib.

APA-nın RİA Novosti agentliyinə istinadən verdiyi xəbərə görə, “İŞİD” qruplaşması ilə mübarizə və İranın nüvə proqramı danışıqların əsas mövzuları olub.

Fabiusla Kerrinin görüşü Rusiyanın xarici işlər naziri Sergey Lavrovun Parisə səfəri ərəfəsində baş tutub. Oktyabrın 14-də Lavrovun ABŞ-ın dövlət katibi və Fransa xarici işlər idarəsinin rəhbəri ilə görüşləri planlaşdırılıb.