Çinin peyki ötən həftə itən «Malaysia Airlines» hava şirkətinə məxsus «Boeing» təyyarəsinin düşdüyü ehtimal olunan yeri aşkarlayıb.
Lent.az-ın «gazeta.ru»-ya istinadən məlumatına görə, bu haqda «CNN» xəbər yayıb.
Mənbə bildirib ki, peykin məlumatını Çinin Milli Müdafiə Nazirliyinin Elm, texnologiya və sənaye üzrə Dövlət komitəsi martın 12-də açıqlayıb. Xəbərə əsasən, çəkilişlər təyyarə yoxa çıxan günün səhəri martın 9-da edilsə də, onu martın 13-də dərc etmək qərarına gəliblər.
Çinli mütəxəssislər açıq dənizdə üç obyekt qeydə alıblar. Ölkənin Müdafiə Nazirliyi onları itən təyyarənin qırıntıları olduğunu istisna etməyib.