Çinin “Yuta” (“Nefritli dovşan”) adlı aygəzəyəni texniki çatışmazlıq ucbatından Yerə siqnallar göndərə bilmir.
Lent.az-ın “İnterfaks”-a istinadən məlumatına görə, Çin Ayı araşdırma mərkəzindən bildirilib ki, “Yuta”-nın iş qabiliyyəti günü-gündən zəifləməkdədir.
Mənbənin məlumatına əsasən, onun istilik sistemindən problem yaranıb. Ona görə də 15 sutka ərzində qurğu “soyuqlama” üzündən işləməyəcək. Mərkəz onu da qeyd edib, ki bir müddət sonra “Çin dovşanı” “buz bağlayaraq, donub, öləcək”.
Xatırladaq ki, bu aygəzəyəni 2013-cü il dekabrın 16-da Yerin peykinə enib. 6 təkərli bu qurğu Ayın səthində saatda 200 metrlə hərəkət etmək qabiliyyətinə malikdir. Onun əsas vəzifəsi Ayın geoloji strukturunu araşdırmaqdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
