Çin Ukraynadan 3 milyardını geri istəmədiyini bildirib

Çin hakimiyyəti Çin-Ukrayna arasındakı kənd təsərrüfatı əməkdaşlığı layihəsinin dayandırılması və rəsmi Pekinin Kiyevdən taxılın tədarükündə yaranmış fasiləyə görə 3 milyard dollarının qaytarılmasını istədiyi haqda yayılan xəbərləri təkzib edib.

Lent.az-ın «gazeta.ru»-ya istinadən məlumatına görə, bu haqda Çinin rəsmi informasiya vasitələri xəbər yayıb.

Mənbə bildirib ki, tərəflər arasında müqavilənin bəzi müddəaları, eləcə də Ukraynanın borcu ilə bağlı anlaşılmazlıq yaranmışdı.

Çin tərəfi bildirib ki, nəzərdə yayınan məbləğ elə də böyük deyil və arbitraj məhkəməsi onu araşdırır.

Mənbə xatırladıb ki, bir müddət öncə KİV-də Çinin Ukraynaya qarşı London beynəlxalq Arbitraj məhkəməsində iddia qaldırdığı haqda xəbərlər yayılmışdı.