Rəsmi Pekin hesab edir ki, Ukrayna böhranının siyasi həlli bütün etnik qrupların maraqlarını nəzərə almalıdır. APA-nın “RİA Novosti”yə istinadən verdiyi xəbərə görə, bu barədə ÇXR-in BMT-dəki daimi nümayəndəsi Lyu Tszei BMT TŞ-nin iclasında çıxışı zamanı bildirib.
Onun sözlərinə görə, Çin Minskdə Rusiya, Fransa, Almaniya və Ukrayna liderlərinin Minskdə münaqişənin nizamlanmasına dair əldə olunan sazişi müsbət qəbul edir. “Dörd ölkə arasında Minskdə əldə olunan razılaşmalar Ukraynanın şərqində gərginliyin aradan qaldırılmasına və böhranın siyasi yolla həllinə imkan yaradır”, deyə diplomat bildirib.
“Çin hesab edir ki, Ukraynadakı problemin həlli zamanı siyasi məcrada qalmaq gərəkdir. Böhranın öz reallığı, öz tarixi var və münaqişənin həlli Ukraynada yaşayan bütün etnik qrupların maraqlarını və narahatlıqlarını əks etdirməlidir”, deyə Lyu Tszei bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
