Nyu-Yorkda keçirilən BMT Təhlükəsizlik Şurasının Ukraynaya həsr olunan iclasında Rusiya və qərb dövlətləri biri-birini “riyakarlıqda”, “ikili standartlar yürütməkdə” ittiham edib.
Lent-az-ın “BBC”-yə istinadən məlumatına görə, Rusiyanın BMT-dəki daimi nümayəndəsi Vitali Çurkin Qərbi Ukraynanın “daxili işlərinə qarışmaqda” günahlandıraraq, Slavyanskdakı antiterror əməliyyatı “cinayətkar” adlandırıb. Onun sözlərinə görə, Slavyanskda radiodanışıqlar zamanı “ingilis dilində söhbət edən insanların səsləri yazılıb”.
ABŞ-ın Təhlükəsizlik Şurasındakı təmsilçisi Samanta Pauer, öz növbəsində, Ukraynanın dinc əhaliyə qarşı irimiqyaslı əməliyyatların keçirilməsi barəsində Rusiyanın ittihamını “böhtan” adlandıraraq, iddiaları rədd edib. O, bildirib ki, Ukraynanın şərqində baş verənlər Rusiyanın bu ölkəyə birbaşa müdaxiləsi üçün bəhanə ola bilər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
