BMT Baş Assambleyasının 70-ci sessiyası başlayır

Nyu-Yorkda BMT Baş Assambleyasının 70-ci sessiyasının açılışı olacaq.

APA-nın TASS agentliyinə istinadən verdiyi məlumata görə, sessiyanı BMT-nin baş katibi Pan Gi Mun və iyunda 70-ci sessiyanın sədri seçilən avstriyalı diplomat Moqens Likketoft açacaq.

Sessiyanın rəsmi açılış mərasimi yerli vaxtla saat 15:00-da baş tutacaq. Ötən gün BMT Baş Assambleyasının 69-cu sessiyasının son iclası keçirilib. Son bir il ərzində Baş Assambleyaya üzv olan 193 ölkə bir çox məsələləri müzakirə edib, səs vermə və yaxud konsensus əsasında 300-ə yaxın qətnamə və qərar qəbul edilib.

70-ci yubiley sessiyasının gündəmində 170 mövzunun yer aldığı bildirilir. O cümlədən sülh və təhlükəsizlik, silahlı münaqişələrin qarşısının alınması, terrorçuluğa, irqi ayrı-seçkilik və ksenofobiyaya qarşı müqavimət, ətraf mühitin qorunması, ölkələrin davamlı inkişafına dəstək, nüvə silahlarının yayılmaması rejiminə əməl edilməsi, insan haqlarının qorunması və qanun aliliyinin təmin olunması məsələləri.