Tunisə yük aparan, Türkiyəyə məxsus gəmi Kirit adasının cənubunda fırtınaya düşüb. Lent.az-ın məlumatına görə, bu səbəbdən gəmi kapitanı Yunanıstan tərəfinə müraciət edərək, kömək istəyib. O, gəmi heyətini gəmini tərk etmələri barədə əmr verdiyini bildirib.
Yunanıstan dəniz qüvvələrinə məxsus helikopterlə gəmidə olan 6 nəfər xilas edilib. Xilas edilənlərdən üçü türk, ikisi azərbaycanlı, biri isə gürcü olub. Onlar xəstəxanaya yerləşdirilib. Gəmi hazırda Kolymvari bölgəsinin (Yunanıstan) sahilində, Yunanıstan təhlükəsizlik xidmətinin nəzarətindədir.