Baş nazirə naz etdi

İngilis aparıcı Susanna Reidin baş nazir David Kameronla reportajı zamanı etdiyi hərəkətlər dedi-qodulara səbəb olub.

Lent.az-ın “musavat.com”-a istinadən məlumatına görə, “Good Morning Britain” adlı proqramın aparıcı baş nazirlə söhbət edərkən qəribə hərəkətlər edib. Aparıcının bu hərəkətləri “Daily Mail” qəzetində də əksini tapıb. Yazarlar onun baş nazirin diqqətini cəlb etmək üçün naz-qəmzəli hərəkətlər etdiyiniz yazıblar.

On il BBC-də çalışdıqdan sonra İTV kanalında işləməyə başlayan Susanna Reid proqram zamanı Kamerona 14 sual verib. Onlardan on biri ailə həyatı, ikisi siyasətlə, yalnız bir sual isə qarşıdan gələn seçkilərlə bağlı olub. Ölkə mediasında Reidin baş nazirə naz etməyə çalışdığı yazılır. Aparıcının hərəkətlərini izah edən bədən dili üzrə mütəxəssis Judi James də onun diqqət çəkmək üçün belə hərəkətlər etdiyini vurğulayıb. Mediada onun bu hərəkətlər “Nazın 50 növü” deyə adlandırılır.