Bağdadda silsilə partlayışlar: 50-dən çox ölü və yaralı var

Ötən gün İraqın paytaxtı Bağdad şəhərində bir saat ərzində 3 partlayış törədilib, 50-dən çox ölü və yaralı var. APA-nın “RİA Novosti”-yə istinadən verdiyi xəbərə görə, şəhərin şərqindəki Əs-sədr rayonunda 2 avtomobilin partladılması nəticəsində azı 7 nəfər ölüb, 30 nəfər isə yaralanıb. Ölənlənlərin sayının artacağı istisna olunmur.

Partladıcı qurğu quraşdırılmış daha bir avtomobil isə paytaxtın şimalındakı Əş Şaab rayonunda bazar meydanında partladılıb. Nəticədə 2 nəfər ölüb, 10 nəfər yaralanıb.