Bağdadda partlayış: 18 nəfər həlak olub

Martın 15-də Bağdadda ardıcıl terror hadisəsi olub. Lent.az-ın «İTAR-TASS»-a istinadən məlumatına görə, qanlı olay nəticəsində 18 nəfər həlak olub, onlarla insan yaralanıb.

Mənbə bildirib ki, partlayışın biri bazarda, paytaxtın əl-Qahirə məhəlləsində adam çox olan vaxtı baş verib. Avtomobilə quraşdırılan partlayıcının partladılması nəticəsində 10 sakin ölüb, 25 nəfər yaralanıb.

O biri olay isə əl-Əməl cənub məhəlləsində olub. Orada 4 nəfər ölüb, 15 sakin yaralanıb. Əmin rayonunda isə 3 sakin öldürülüb.

Mənbə bildirib ki, paytaxtın şimalında yerləşən əş-Şuale şəhərindəki stadionda baş verən partlayış nəticəsində də ölən və yaralananlar var. Ancaq onların sayı məlum deyil.