Avropa İttifaqına il ərzində 270 min qanunsuz miqrant daxil olub

2014-cü ildə Avropa İttifaqı ölkələrinə qeyri-leqal yolla daxil olan miqrantların sayı 276 min nəfəri keçib. APA-nın “İnterfaks”-a istinadən verdiyi xəbərə görə, bu barədə Avropa Parlamentinin iclasında Aİ-nin miqrasiya siyasəti üzrə komissarı Dimitris Avramopolus bildirib.

Onun sözlərinə görə, bu rəqəm 2013-cü ilin göstəricisindən 138 faiz çoxdur.

Komissarın sözlərinə görə, qanunsuz miqrantların 200 mindən çoxu tək Aralıq dənizinin Avropa sahilindən daxil olub.

Dimitris Avramopolus qeyd edib ki, qeyri-leqal miqrasiya ilə mübarizə üçün kompleks yanaşma gərəkdir, bundan başqa, əlaqələndirmə çox yüksək səviyyədə olmalıdır.