Avropa Birliyinin Ukraynadakı səfiri: “Referendum qanunsuzdur”

“Ukrayna Konstitusiyasına əsasən Krımın taleyi yalnız ümumukrayna referendumunda müəyyən oluna bilər”.

APA-nın UNİAN agentliyinə istinadən verdiyi məlumata görə, bunu Avropa Birliyinin Ukraynadakı nümayəndəliyinin rəhbəri Yan Tombinski deyib. O bildirib ki, hər hansı sərhəd dəyişikliyi və ya hansısa ərazinin Ukraynadan ayrılması ölkə Konstitusiyasının 73-cü maddəsi əsasında tənzimlənir. Həmin maddədə yazılıb ki, bunun yeganə yolu bütün ölkə üzrə keçiriləcək milli referendumdur: “Çox asanlıqla başa düşmək olar ki, Ukraynanın bir hissəsində keçiriləcək referendum bu məsələnin həlli demək deyil”.

Xatırladaq ki, Rusiyaya birləşmək istəyən Krım separatçıları martın 16-na referendum təyin ediblər.