Avrasiya İqtisadi Birlikdə vahid dərman bazarı yaradılacaq

Avrasiya İqtisadi Birliyinə üzv olan ölkələr vahid dərman və tibbi ləvazimatlar bazarı yaratmaq niyyətindədirlər. APA-nın “RİA Novosri”-yə istinadən verdiyi xəbərə görə, bu barədə Rusiya Səhiyyə Nazirliyinin mətbuat katibi Oleq Salaqay bildirib.

“Ali Avrasiya İqtisadi Şurasının iclası zamanı Avrasiya İqtisadi Birliyin çərçivəsində dərman vasitələrinin dövriyyəsinin vahid prinsipləri və qaydaları haqqında saziş və Avrasiya İqtisadi Birliyin çərçivəsində tibbi ləvazimatların dövriyyəsinin vahid prinsipləri və qaydaları haqqında saziş imzalanıb”, deyə Salaqay qeyd edib.

İmzalanmış saziş 2016-cı ilin əvvəlində qüvvəyə minəcək.