Alim-paleontoloqların Argentinada apardığı qazıntı zamanı dünyada ən nəhəng dinozavrının skeleti aşkarlanıb.
Lent.az-ın “BBC”-yə istinadən məlumatına görə, bu qalıqlar titanozavr qrupuna daxildir. Otyeyən bu nəhənglərin təbaşir dövrünə aid olduğu bildirilib.
Alimlərin hesablamasına əsasən, onun uzunluğu 40 metr, hündürlüyü isə 20 metr olub. Onun çəkisi 77 ton imiş. Bu isə 14 Afrika filinin çəkisinə bərabər sayılır.
Bundan əvvəl aşkarlanan argentinozavrın çəkisi 70 ton olub.
Dinozavrın sümüklərini yerli fermer aşkar edib. O, Buenos-Ayres Paleontologiya Universitetinə müraciət edib. Hadisə yerinə gedən alimlər qrupu oradan yaxşı vəziyyətdə qalmış 150-yə yaxın daşlaşmış sümük aşkarlayıb.
Yeni dinozavra hələlik ad verilməyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
