Amerikalılar hesab edir ki, insan 10 min il öncə yaradılıb

ABŞ-da telefonla maraqlı sosioloji sorğu keçirilib.

Lent.az-ın “RİA Novosti”-yə istinadən məlumatına görə, rəyi soruşulan amerikalının 42 faizi dünyanı və insanı Allah 10 min il öncə yaradıb.

ABŞ sakini olan respondentlərin yalnız 19 faizi təkamül nəzəriyyəsinə inanır.

Mənbə bildirib ki, sorğuda iştirak edənlərin 57 faizinin ali təhsil diplomu var.

Məlumata əsasən, son 30 ildə ölkədə insanın meymundan əmələ gəldiyinin düşünənlərin sayı 10 faiz artıb. 1982-ci ildə ABŞ vətəndaşlarının 9 faizi darvinizmi dəstəkləyirmiş.

Bu, ABŞ sakinlərinin dünya görüşü ilə bağlı heyrətləndirici ilk nəticə deyil. Bir müddət öncə uyğun sorğuda iştirak edən 4 amerikalıdan biri Günəşin Yer kürəsi ətrafında fırlandığını bildirmişdi.

ABŞ vətəndaşlarının 3-də ikisi irsiyyəti DNT-nin müəyyənləşdirdiyini bilmir, 10 nəfərdən 9-u isə radiasiyanın insan orqanizminə təsirindən xəbərsizdir. Ümumtəhsil məktəblərində biologiyanı tədric edən müəllimlərin 25 faizi hesab edir ki, dinozavrlar insanlarla eyni dövrdə yaşayıb.