Amerikalı hərbçilər Ukraynaya girməyəcək

ABŞ prezidenti Barak Obama bildirib ki, Ukraynadakı böhranda amerikalı hərbçilərin iştirakına lüzum görmür.

Lent.az-ın “Gazeta.ru”-ya istinadən məlumatına görə, o,Vaşinqtondakı çıxışı zamanı “NATO-dakı tərəfdaşlar tərəfindən verilən təminatlara əlavə olaraq”, ABŞ hərbiçilərinin bu böhranda rolunu görmədiyini söyləyib.

Barak Obama ölkəsinin NATO-dakı tərəfdarları, özəlliklə Baltikyanı dövlətlər qarşısında götürdüyü öhdəlikləri xüsusi qeyd edərək, Vaşinqtonun öz vədinə əməl etməsi üçün bütün mümkün vasitələrdən yararlanacağını deyib.