Amerika Şərqi Avropaya ağır texnika yeridə bilər

Pentaqon Şərqi Avropada beş min hərbçisini təmin edə biləcək sayda ağır texnikasını yerləşdirmək imkanlarını nəzərdən keçirir. APA-nın “TASS”a istinadən verdiyi xəbərə görə, bu barədə “The New York Times” nəşri rəsmi mənbələrə istinadən dərc etdiyi məqalədə bildirir.

Nəşr qeyd edir ki, “Pentaqon Avropada mümkün Rusiya təcavüzünün qarşısını almaq məqsədi ilə Baltikyanı və Şərqi Avropa ölkələrində beş min amerikalı hərbçini təmin edilməsinə kifayət ola biləcək sayda tanklar, PDM və sair ağır teknnika yerləşdirə bilər”.

Nəşr bildirir ki, ABŞ hərbi texnikası regiondakı müttəfiq ölkələrin hərbi bazalarında müxtəlif sayda yerləşdirilə bilər. Belə ölkələr arasında Litva, Latviya, Estoniya, Polşa, Rumıniya, Bolqarıstan və Macarıstan qeyd edilir.

Məlumata görə, təklif hələlik Ağ Ev və müdafiə naziri tərəfindən dəstəklənməyib.