Aİ-dən vizasız rejim əldə etmək üçün Gürcüstan korrupsiya və narkotiklərin yayılması ilə mübarizə sahəsində əlavə islahatlar keçirməlidir. APA-nın “TASS”a istinadən verdiyi xəbərə görə, bu barədə Aİ Şurasının sədri Donald Tusk Gürcüstan prezidenti Georgi Marqvelaşvili ilə birgə mətbuat konfransında bildirib.
“Aİ-dən vizasız rejim əldə etmək üçün Gürcüstan hələ bir neçə əlavə islahatlar həyata keçirməlidir. Söhbət Gürcüstanın korrupsiya, narkotiklərin yayılması və insan alveri ilə mübarizə sahəsində səylərinin artırılmasından gedir”, deyə o bildirib.
“Şəxsən mən Gürcüstana vizasız rejimin tətbiq edilməsini çox arzulayıram, lakin mənim diləyim zəmanət deyil, islahatları davam etdirmək lazımdır”, deyə Tusk əlavə edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
