Ağ Ev işıqsız qaldı

Vaşinqtonun mərkəzində elektrik enerjisinin verilişində məhdudiyyətlər yaşanıb. APA-nın “Gazeta.ru”ya istinadən verdiyi xəbərə görə, Ağ Ev və Dövlət Departamenti də daxil olmaqla, bir neçə dövlət idarələri və muzeylər bir müddət işıqsız qalıb.

NBC Washington telekanalı Çarlz Kauntidə yerləşən elektrik yarımstansiyasında problemlərin yarandığını bildirir. “Rerso” elektrik enerjisi şirkəti insidentin səbəblərini araşdırır. Bir neçə metro stansiyaları “qəza işıqlandırma rejimi”nə keçib. Qatarların hərəkətində problem yaranmayıb.

Enerjisinin verilişində məhdudiyyətlərin yaranması səbəbindən Ağ Ev və Dövlət Departamentində brifinqlər dayandırılıb. Dövlət idarələri dərhal alternativ enerji mənbələrinə keçib.