Aprelin 11-də ABŞ rəsmi olaraq, iranlı diplomat Həmid Əbutalibiyə viza verməyəcəyi haqda İranı və BMT-ni məlumatlandırıb.
Lent.az-ın “nyusru”-ya istinadən məlumatına görə, Ağ Evin mətbuat katibi Cey Karni məsələ ilə bağlı bildirib: “ABŞ hakimiyyəti bir mənalı şəkildə İran hökumətinə bəyan edib ki, Həmid Əbutalibinin Nyu-Yorka gəlməsin yol verməyəcək”.
O, terrorda iştirak edən, casusluq fəaliyyəti göstərən, yaxud ölkənin təhlükəsizliyinə qarşı başqa əməllər törədən şəxslərin ABŞ-a girişini yasaqlayan qanun layihəsini prezident Barak Obamanın imzalaması ilə bağlı məsələyə aydınlıq gətirməyib.
Xatırladaq ki, bir müddət öncə Konqres belə bir qanunu təsdiqləyib.
Həmid Əbutalib 1979-cu ildə ABŞ-ın Tehrandakı səfirliyinin tutulmasında iştirak edib. Onda səfirliyi 52 əməkdaşı 444 gün İranda girov saxlanılmışdı.
Həmid Əbutalib əvvəllər orda olmadığını bildirirdi, bu yaxınlarda isə o, səfirlikdə tərcüməçi kimi olduğunu etiraf edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
