ABŞ Ukraynanın şərqindəki terrorçuların liderlərinə sanksiya tətbiq edib

ABŞ hakimiyyəti Ukraynadakı mövcud böhranla bağlı sanksiya siyahısını genişləndirib.

Lent.az-ın “RİA Novosti”-yə istinadən məlumatına görə, bu siyahıya Ukraynanın Donetskdəki rusiyayönlü terrorçuların başçısı Valeri Bolotov və onun Luqanskdakı həmkarı İqor Qirkin(Strelkov), Slavyanskın keçmiş valisi Vyaçeslaa Ponomaryov, Donetskdəki qondarma parlamentin sədri Denis Puşlin də əlavə edilib.

Bundan başqa Donetskdəki rusiyayönlü pravoslav birliyinin başçısı Valeri Kaurov, Rusiya tərəfindən işğal edilmiş Sevastopolun “qubernatoru” Sergey Menyaloya da sanksiya tətbiq olunub.