ABŞ İrana qarşı sanksiya siyahısını genişləndirdi

ABŞ sanksiya tətbiq ediləcək İran şirkətlərinin siyahısını genişləndirib. APA-nın RİA Novosti-yə istinadən verdiyi xəbərə görə, bu barədə ötən gün ABŞ-ın Maliyyə Nazirliyinin yaydığı məlumatda bildirilir.

Qurumun məlumatına görə, sanksiya siyahısına 9 fiziki və hüquqi şəxs əlavə edilib. ABŞ onları “İran hakimiyyətinin sanksiyalardan boyun qaçırmaq, insan haqlarını pozmaq istiqamətində həyata keçirdiyi addımlarını dəstəkləməkdə günahlandırır. Siyahıya həmçinin İrandakı senzura ilə əlaqəsi olan şəxslər də daxil edilib.