ABŞ-da yer sürüşmə: Yüzdən çox adam itkin düşüb

ABŞ-ın Vaşinqton ştatında yer sürüşməsi nəticəsində 100-dən çox adam itkin düşüb.

Lent.az-ın «İTAR-TASS»-a istinadən məlumatına görə, təbii fəlakət zamanı 14 nəfər ölüb, daha 8 nəfər xəstəxanaya yerləşdirilib. Onların arasında 6 aylıq körpə də var. 108 nəfər isə İtkin düşmüş elan olunub.

Sürüşmə 2 kv km ərazini əhatə edib. Olay nəticəsində 30-a yaxın bina uçub.

Xatırladaq ki, martın 22-də Sietl şəhəri yaxınlığında şiddətli yağışlardan sonra sel axını baş verib, 100 illik tarixi olan kiçik balıqçı qəsəbəsi tam dağılıb.