ABŞ-ın Merilend ştatında yüngül təyyarənin yaşayış evinin üstünə düşməsi nəticəsində ölənlərin sayı 6 nəfərə çatıb.
APA-nın İTAR-TASS agentliyinə istinadən verdiyi xəbərə görə, əvvəl ölənlərin sayının 3 nəfər olduğu bildirilirdi.
Son məlumatlara əsasən, təyyarənin pilotu və iki sərnişindən başqa daha 3 nəfər yerdə ölüb. Ölənlərin adları hələlik açıqlanmır. Qəzanın baş vermə səbəbi məlum deyil, hadisə ilə bağlı araşdırmalar davam etdirilir.