ABŞ-da öldürülən uşaqların rusiyalı olduğu təsdiqləndi

ABŞ-ın hüquq-mühafizə orqanları Vaşinqton ştatında qətlə yetirilən iki uşağın Rusiyadan olduğunu təsdiqləyib. APA-nın “RİA Novosti”yə istinadən verdiyi xəbərə görə, polisdən öldürülən oğlan uşaqlarının milliyyətcə rus olduğu bildirilib.

Qətlə yetirilən uşaqların 1997-ci il təvəllüdlü Tori Karlson və 1999-cu il təvəllüdlü Kuin Karlson olduğu bildirilir. Meyitlərin fevralın 29-da ekspertizaya göndərilməsi nəzərdə tutulub.

İnsidentin səbəbləri barədə məlumat verilmir.

Qeyd edək ki, ştatın Meyson dairəsində naməlum kişi ailəsinin 4 üzvünü güllələyərək qətlə yetirib, sonra isə özünü öldürüb.