ABŞ-da məhbus daşıyan avtobus yük maşını ilə toqquşdu

ABŞ-ın Arizona ştatında məhbusları daşıyan avtobus yük maşını ilə toqquşub, nəticədə 20-dək şəxs müxtəlif xəsarətlərlə xəstəxanaya yerləşdirilib. APA-nın “RİA Novosti”yə istinadən verdiyi xəbərə görə, insident gecə saatlarında Kasa Qrande və Qila Bend şəhərlərini birləşdirən federal əhəmiyyətli magistral avtomobil yolunda baş verib.

Məlumata görə, həbsxana avtobusunun sürücüsünün vəziyyəti ağırdır. Xəsarət alan məhbusların dəqiq sayə və vəziyyəti barədə məlumat verilmir.

Qəzanın səbəbləri məlum deyil.