ABŞ-da bir nəfər tüfənglə 6 nəfəri öldürüb, 7-sini yaralayıb

ABŞ-da Santa Barbara şəhərində avtomobili ilə hərəkət edən vətəndaş atəş açaraq 6 nəfəri öldürüb, daha sonra isə həmin silahla özünü vuraraq intihar edib.

APA-nın ABŞ mətbuatına istinadən verdiyi məlumata görə, polis Kaliforniya Universiteti yaxınlığında baş verən hadisə zamanı həmçinin 7 nəfərin yaralandığını açıqlayıb.

Santa Barbaranın polis rəisi Bill Broun keçirdiyi mətbuat konfransında bildirib ki, hazırda olayla bağlı əldə edilmiş videogörüntülər araşdırılır. O, bütün sübutların olayın öncədən planlaşdırılmış qorxunc kütləvi qətliam olduğunu göstərdiyini söyləyib.