ABŞ-da jurnalistləri öldürən şəxs intihara cəhd etdi - YENİLƏNİB

ABŞ-ın Virciniya ştatında canlı yayım zamanı 2 jurnalisti öldürən 41 yaşlı Brays Uilyams kimi tanınan Vester Flenaqan intihara cəhd etsə də, sağ qalıb.

APA-nın “Gazeta.ru”-ya istinadən verdiyi məlumata görə, onun vəziyyəti ağır kimi qiymətləndirilir.

Cinayətkarın hərəkətinin motivi bəlli deyil.

Avqustun 26-da ABŞ-ın Virciniya ştatında canlı yayım zamanı WDBJ7 telekanalının reportyoru Alison Parker və fotoqraf Adam Vard keçmiş həmkarı Brays Uilyams tərəfindən güllələnib. Bundan sonra B.Uilyamsın intihar etdiyi barədə məlumat yayılmışdı.

***

ABŞ-ın Virciniya ştatında canlı yayım zamanı bir jurnalist və bir fotomüxbir öldürən şəxs intihar edib.

APA-nın CNN-ə istinadən verdiyi məlumata görə, qətli törədənin şəxsiyyəti müəyyənləşib.

Brays Uilyams əvvələr WDBJ7 telekanalının əməkdaşı, güllələdiyi şəxslərin həmkarı olub.

İntihardan əvvəl hadisənin video görüntülərini yayan Brays Uilyams jurnalistləri qeyri-peşəkarlıqda günahlandırıb.