"Xorasan" terror təşkilatının lideri Muhsin Al-Fadli öldürüldüyü barədə xəbər yayılıb. APA TV-nin xəbərinə görə, onun ABŞ və koalisiya qüvvələrinin Suriya ərazisinə hava hücumu nəticəsində öldürüldüyü bildirilir. Məlumatı "əl-Qaidə" üzvü olan bir terrorçu təsdiqləyib. Saytların birində "əl-Qaidə" lideri Ayman əl-Zəvahirinin silahdaşlarından biri dünən Muhsin Al-Fadlinin ölümünə görə baş sağlığı verib. Terrorçu qrup rəhbərinin 23 sentyabr hücumlarında məhv edildiyi qeyd olunur.
Qeyd edək ki, "Reuters" xəbəri ABŞ idarəçiliyindən bir qaynağa istinadən yaysa da, Pentaqon təsdiqləməmişdi.
Bir neçə gün öncə "Xorasan" terror təşkilatı barədə informasiyalar yayılıb. Bildirilirdi ki, bu təşkilat İŞİD-dən daha təhlükəlidir və Qərb ölkələrində və ABŞ-da terror aktları törətmək niyyətindədir.
Xorasanın yeni 11 sentyabr hadisələri törətmək niyyətində olduğu bildirilirdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
