"Gilqamış" dastanının orijinal nüsxəsi tapıldı

ABŞ hərbçilərinin İraqa müdaxiləsindən sonra itən tarixi əsərləri yenidən toplamaq üçün İraqdakı Süleymaniyyə Muzeyinin əməkdaşları qaçaqmalçılarla danışıqlara başlayıblar.

APA TV-nin Türkiyə mətbuatına istinadən xəbərinə görə, bir qaçaqmalçıdan 90-a yaxın tarixi eksponat götürülüb.

Eksponatlar arasında eramızdan əvvəl 2100-cü ilə təsadüf edən "Gilqamış" dastanına aid nüsxə olduğu aşkarlanıb. Həmin nüsxədə 20 sətirlik yazı olduğu qeyd olunur. Belə tarixi əsərə əvvəllər heç vaxt rast gəlinməyib.