"FƏTH" və "HƏMAS" Fələstində vahid hökumətlə bağlı razılığa gəldi

Fələstinin FƏTH və HƏMAS Hərəkatlarının nümayəndələri arasında Fələstin prezidentinin rəhbərliyi altında hökumətin fəaliyyətini müəyyənləşdirən razılıq əldə olunub.

Lent.az-ın APA-ya istinadən verdiyi məlumata görə, sözügedən razılaşma əvvəllər rəqib hərəkatlar arasında fikir ayrılığına səbəb olan Qəzza zolağında idarəetməni nəzərdə tutur.

“Mülki məmurlara bundan sonra məvacibi vahid hökumət verəcək, çünki onların hamısı fələstinli, bu hökumət isə bütün fələstinlilərin hökumətidir” – deyə FƏTH nümayəndəsi Əzzam Əhməd bildirib.