Nigeriyanın şimalında fəaliyyət göstərən “Boko Haram” terror təşkilatının lideri Əbubəkr Şekau öldürülməsi ilə bağlı yayılan xəbərləri təkzib edib. Lent.az-ın “İTAR TASS”a istinadən verdiyi xəbərə görə, “Boko Haram”ın lideri yeni yayımlanmış videomüraciətində sağ olduğunu bildirib: “Mən sağam və hazırda “Boko Haram”ın nəzarət etdiyi ərazilərdə islam xilafətini idarə edirəm”.
Qeyd edək ki, sentyabrın sonunda “Boko Haram”ın liderinin Nigeriya silahlı qüvvələri ilə ölkənin şimal-qərbində baş vermiş döyüşlərdə öldürüldüyü deyilirdi.