Ukrayna prezidentinin Krımdakı daimi nümayəndəsi Sergey Kunitsın bildirib ki, 13 «İL-76» təyyarəsi rusiyalı desantlarla yarımadaya girib.
Lent.az-ın «unian.net»-ə istinadən məlumatına görə, Krım-tatarlarının televiziyasında təmsilçi bildirib : «Hər birində 150 desant olan 13 təyyarə Qvardiyada oturub».
Kunitsın hesab edir ki, Rusiyanın yarımadanı silahlı işğalı başlayıb: «Hərbçilər bütün yarımadanın bütün ətrafına nəzarət edir. Bu əməliyyatı düşünənlər insanları nəzərə almayıb. Fikrimcə, silahlı təcavüzün iştirakçıları Ukrayna hərbçilərinin atəş açmasını gözləyir».
O, hamını «silah cingiltisini» faciə ilə bitirməməyə çağırıb.