«Misirlilər seçkidə iştirakımı istəyir»

Misirin müdafiə naziri, feldmarşal Əbdülfəttah əs-Sisi prezident kampaniyasında iştirak ilə bağlı rəsmi bəyanat verməsə də, faktiki olaraq, dövlət başçılığı uğrunda mübarizəyə qoşulacağını bildirib.

Lent.az-ın «nyusru»-ya istinadən məlumatına görə, Qahirədə hərb akademiyada çıxışı zamanı deyib: «Misirliləri çoxunun mənim iştirakımı istədiyi faktını inkar edə bilmərəm. Formal işlərin hamısı yaxın bir neçə gündə başa çatacaq».

Bir neçə gün öncə «əl-Həyat» qəzeti gələn həftə onun seçki kamaniyasına başlaması haqda xəbər yaymışdı.

Xatırladaq ki, ayarımdan sonra Misirdə prezident seçkisi keçiriləcək.