ABŞ-ın üç vətəndaşı, o cümlədən “Vaşinqton post”-un müxbiri iki gün öncə Tehranda saxlanılıb.
Lent.az-ın “Gazeta.ru”-ya istinadən məlumatına görə, bu haqda qəzet xəbər dərc edib.
“Vaşinqton post”-un xarici siyasət bölməsinin redaktoru Duqlas Cel bildirib ki, müxbir Ceyson Rezaianın və xanımının həbsi ilə bağlı dəqiq məlumat əldə ediblər.
Rezaianın 2012-ci ildən Tehranda qəzetin xüsusi müxbiri işləyib.
Mənbə qeyd edib ki, xanımı ilə birlikdə qəzetin daha iki ştatdankənar fotoqrafı da tutulub.
Məlumata əsasən, jurnalistlərin saxlanılması ilə bağlı vəziyyət araşdırılır.