“Təcili yardım” avtobusla toqquşdu: 4 ölü, 8 yaralı

Xarkovda “təcili yardım” maşınının avtobusla toqquşması nəticəsində 4 nəfər ölüb. APA-nın “Gazeta.ru”ya istinadən verdiyi xəbərə görə, “təcili yardım” maşını qəfil yolun əks istiqamətinə çıxaraq qarşıdan gələn avtobusla toqquşub.

Qəza nəticəsində “təcili yardım” maşınının sürücüsü və həkim-feldşer hadisə yerində ölüb, maşında olan 4 yaşlı uşaq və digər həkim aldıqları xəsarətlərdən xəstəxanada keçiniblər.

Uşağın anası daxil olmaqla daha 8 nəfər müxtəlif xəsarətlərlə xəstəxanalara çatdırılıblar.

İlkin versiyaya əsasən, qəzaya səbəb “Təcili yardım” maşınının sürücüsünün sükan arxasında qəfil keçinməsi olub.