Rusiyayönlü hakimiyyətin başçısı Sergey Aksyonovun qadağasına baxmayaraq, Krım tatarları (türkləri) mayın 17-18-də deportasiya olunmalarının 70-ci ildönümü ilə bağlı aksiya keçirməyə hazırdır.
Lent.az-ın “Unian.net”-ə istinadən məlumatına görə, o, iyunun 6-dək bölgədə bütün kütləvi tədbirlərin keçirilməsini yasaqlayıb.
Krım Tatarları Məclisinin sədri Refat Çubarov mayın 16-da jurnalistlərə bildirib ki, hakimiyyətlə məsləhətləşmələrə baxmayaraq, xalq aksiya keçirəcəyinin xəbərdarlığını edib.
“23 il idi bizim aksiya keçirməklə bağlı heç bir problemimiz yox idi. Mayın 18-i Krım tatarları üçün mənliklərinin bir hissəsidir. Biz 1944-cü ildəki deportasiya qurbanlarını hüznlə anırıq, biz sürgündə itirdiklərimizi yad edirik”-deyə, Çubarov söyləyib.
O, əlavə edib ki, Ukraynanın cənub-şərqində vəziyyət bugünkü kimi gərgin idi, ancaq bu il mayın 1 və 9-da tədbir keçirildi.
R.Çubarovun sözlərinə görə, iyunun 6-dək aksiyaların yasaqlanmasında məqsəd Krımda “Böyük rus sözü” tədbirini keçirməkdir. Həmin gün yarımadada bu mərasimi başlayacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
