“I rübdə Rusiya 150 milyard dollar itirib”

İsveçin xarici işlər naziri Karl Bildt bildirib ki, bir rübdə tətbiq edilən sanksiyalar nəticəsində Rusiyaya 150 milyard dollar itirib.

Lent.az-ın “BBC” -yə istinadən məlumatına görə, Ukraynanın Odessa şəhərində keçirdiyi mətbuat konfransında Qərbi Rusiyaya qarşı sanksiyalarını yumşaq adlandırmayıb.

“Birinci rübdə sanksiyalara görə Rusiya 150 milyard dollar itirib. Bu pullar Rusiya iqtisadiyyatının dövriyyəsindən çıxıb”-deyə, isveçli diplomat bildirib.

Karl Bildt Ukrayna iqtisadiyyatının ağır vəziyyətdə olduğunu etiraf etsə də, onun iflas olmasına imkan verilməyəcəyinə ümidvar olduğunu vurğulayıb.